Portugali zhvillohen zgjedhjet presidenciale

Portugezët u drejtohen kutive të votimit për të zgjedhur presidentin e vendit. Favorit për kreun e shtetit konsiderohet presidenti aktual, Anibal Kavako Silva. Sondazhet tregojnë se Kavako Silva mund të fitojë 60 për qind të votave. Rivali i tij kryesor është  përfaqësuesi socialist, Manuel Alegre.

Zgjedhjet mbahen në një kohë krize për Portugalinë e zhytur në borxhe. Vetëm pak kohë më parë Lizbona ka ka miratuar një plan për shkurtimin e shpenzimeve dhe rritjen e taksave, me qëllim që të kthejë besimin e tregut në financat publike.