"Pranga gjeneraleve, jo kaptereve"

Akuza te renda te ish-presidentit Alfred Moisiu, teksa deklaroi se tragjedia e ndodhur ne Gerdec, me 15 mars, eshte nje peng i politikes dhe se ende nuk jane arrestuar pergjegjesit e vertete te saj. Ne fjalen e tij mbajtur ne "Forumin Politik Demokristian", ish-presidenti Moisiu theksoi se qeveria ka arrestuar vetem kapteret e korrupsionit dhe jo gjeneralet e tij, duke kerkuar "ngjitjen" e hetimit me lart sesa personat e ndaluar deri me tani per tragjedine, ne te cilen humben jeten 25 persona dhe u plagosen mbi 300 te tjere. "Tragjedia e 15 marsit ne Gerdec eshte peng i politikes. Qeveria prangos disa kaptere te korrupsionit dhe jo gjeneralet e tij", deklaroi ish-kreu i shtetit ne fjalen e mbajtur. Duke akuzuar politiken se po mban peng zbardhjen e kesaj tragjedie, Moisiu ka nenvizuar faktin se nje sqarim i plote i saj dhe venia para drejtesise te pergjegjesve do te parandalonte tragjedi te tjera. Por, nuk ka qendruar vetem te "Gerdeci", ish-presidenti Moisiu. Duke qene per pese vite ne krye te shtetit, dhe ne perballje me nje mungese te theksuar vullneti politik te partive politike per arritjen e konsensusit per reformat, ai ka kerkuar me insistim bashkepunim politik mes partive. Sipas tij, ka ardhur koha qe partite politike te nisnin bashkepunimin per reformat me te rendesishme ne vend. Moisiu theksoi se klasa politike nuk mund te gjeneroje me probleme te reja, sepse ende ajo nuk ka zgjidhur problemet e vjetra qe e shqetesojne. "Eshte koha qe klasa politike, partite me te medha politike ne Kuvend te bashkepunojne dhe prodhojne produkte te perbashketa konsensuale dhe afatgjata, qe zgjidhin problemet e vjetra dhe nuk na krijojne probleme te reja", deklaroi Moisiu ne fjalen e tij. Ne kete kuader, ish-presidenti Moisiu tha se edhe problemet e reformes zgjedhore dhe demet qe ceshtjet zgjedhore kishin shkaktuar me voten e qytetareve ishin per faj te shtetit. Nga ana tjeter, ish-presidenti vleresoi edhe marrjen nga ana e Shqiperise e fteses per ne NATO. Por, sipas Moisiut, kjo ngjarje e madhe duhet te pasqyrohet edhe ne jeten e brendshme te vendit, ate politike dhe ate institucionale. Duke vleresuar ne menyre te vecante besimin qe 26 vendet anetare te NATO-s i dhane vendit tone duke e ftuar ne Aleance, Moisiu kerkoi nga politika shqiptare qe te nxjerre mesimet e duhura dhe ftesen e anetaresimit do ta lexoje ashtu sikurse duhet. "Ne kemi perpara nje sere sfidash te rendesishme, sikurse jane reforma zgjedhore, reforma integrale ne sistemin e drejtesise, reformat ekonomike, por dhe sfidat ndaj korrupsionit", deklaroi Moisiu ne fjalen e tij, mbajtur ne konferencen "Alternativa kristiandemokrate ne Evrope; alternativa demokristiane ne Shqiperi". Sipas tij, klasa politike duhet te kuptoje se ky eshte nje moment reflektimi dhe ndryshimi te formave dhe mjeteve te te berit politike dhe zhvillim te demokracise.