Pranga shqiptares për trafik prostitutash

Një shqiptare është arrestuar nga karabinierët italianë pasi dyshohet se është pjesëtare e bandave kriminale, të përfshira në trafiqet e drogës, prostitucionit dhe vjedhjeve. Bashkë me shqiptaren është arrestuar edhe një shtetase rumune. Sipas informacioneve të fundit, grupi i shqiptarëve merrej me trafikun e lëndëve narkotike dhe prostitucion, duke ushtruar aktivitetin në disa zona të Romës. Ndërsa vajza shqiptare e arrestuar, si bashkëpunëtore në këtë grup, mendohet se ka ndihmuar ata në disa raste për gjetjen e vajzave të reja. Policia italiane shpjegoi se ajo bashkëpunonte ngushtë me njerëzit e familjes për realizimin e kësaj vepre penale. Ajo është marrë në pyetje nga policia dhe mendohet se ka bashkëpunëtorë të tjerë në këtë grup, që mund të arrestohen gjatë ditëve në vijim.