Prefektura, kallëzim penal për Ramën

 Prefekti i qarkut Tiranë depozitoi dje në prokurori një kallëzim penal ndaj kryebashkiakut Edi Rama dhe KRRT-së së kësaj bashkie, në lidhje me lejet e ndërtimit të dhëna prej saj. Zëdhënësja e Prefektit të Qarkut Tiranë, Esli Zala tha dje se: “Institucioni i Prefektit të Qarkut Tiranë, po dorëzon sot kallëzimin penal kundër kryetarit të Bashkisë Tiranë z. Edi Rama, Zyrës së Urbanistikës dhe KRRT së Bashkisë Tiranë, në kohën kur janë dhënë këto leje ndërtimi, në mungesë të formularit dhe lejes nga Policia e Mbrojtjes kundër zjarrit Tiranë, leje këto të dhëna në kundërshtim me ligjin për Urbanistikën”.