Presidenti Obama u uron shqiptarëve 28 nëntorin, diasporën e cilëson si pjesë të rëndësishme të SHBA-së

Presidenti i Shteteve të Bashkuara Barak Obama dërgoi dje urimet me rastin e Ditës së Pavarësisë së Shqipërisë më 28 nëntor. “I dërgoj urimet më të ngrohta të gjithë atyre që do të festojnë Ditën e Pavarësisë së Shqipërisë, të shtunën”, shprehet presidenti i SHBA-ve në një deklaratë, e cila u përcoll në mënyrë të posaçme nga Zëri i Amerikës. “Këtu në Amerikë, vazhdon deklarata, ata që e kanë origjinën shqiptare janë një pjesë e rëndësishme e këtij vendi”. Në fund të mesazhit, Presidenti Obama thotë se “shpreson që miqësia mes dy vendeve dhe lidhjet e forta të vazhdojnë”.