Presidenti Topi dekreton uljen e pensioneve te ushtarakeve
TIRAN - Presidenti Bamir Topi dekretoi dje ligjin per pensionet suplementare te ish-ushtarakeve duke i dhene fund shpreses se kesaj shtrese se ulja e pensioneve qe u ka bere qeveria nuk do te hynte ne fuqi.
Dekretoj shpalljen e ligjit Per disa ndryshime dhe shtesa ne ligjin nr. 10 142 date 15.05.2009 Per sigurimin shoqeror suplementar te ushtarakeve te Forcave te Armatosura te punonjesve te Policise se Shtetit te Gardes se Republikes te Sherbimit Informativ te Shtetit te Policise se Burgjeve te Policise se Mbrojtjes nga Zjarri dhe te Shpetimit e te punonjesve te Sherbimit te Kontrollit te Brendshem ne Republiken e Shqiperise - thuhet ne njoftimin e Zyres se Shtypit te Presidences.
Ndryshimet ne kete ligj u kundershtuan ashper nga grupet e interesit dhe opozita. Madje ish-ushtaraket dolen edhe dy here ne protesta perpara dyerve te Parlamentit duke i kerkuar deputeteve qe te mos miratonin uljen e pensioneve te tyre. Sipas ushtarakeve ligji cenon sigurine kombetare per vete trajtimin qe u ben ushtarakeve dhe subjekteve te tjere te tij.
Ushtaraket moren edhe mbeshtetjen e opozites per mosmiratimin e tij ne Parlament. Deputetet socialiste u shprehen se ligji i ri eshte antisocial dhe se miratimi i tij do te cenonte rende te drejtat ligjore te ushtarakeve te fituara me nje vendim te Gjykates Kushtetuese.
Por sipas mazhorances per shkak te vendimit te Gjykates Kushtetuese te 26 prillit 2010 eshte krijuar nje efekt financiar i konsiderueshem i cili nuk mund te perballohet dhe sjell efekte financiare te paperballueshme per qeverine. Ndaj dhe ky akt sipas tyre rivendos nje balance ndermjet perfituesve tavanet e te cileve ishin prishur per shkak te vendimit te kesaj Gjykate.
Ligji parashikon qe llogaritja e pensionit te parakohshem per vjetersi sherbimi te behej mbi pagen mesatare referuese neto te momentit kur nje perfitues perfiton pension ne kete menyre perfitimi nga pensioni perllogaritet si pjese e perfitimit faktik mujor nga puna dhe teorikisht nuk mund te jete me i madh se paga neto qe nje ushtarak apo punonjes policie merrte gjate kohes qe ishte ne pune.
Nje ushtarak duke qene se mund te dale ne pension te parakohshem ne moshen 47 vjec mund te arrije nje vjetersi sherbimi prej 27 vite pasi sipas statuseve dhe periudha e kryerjes se shkolles se larte njihet si sherbim.
Mbi bazen e kesaj vjetersie dhe duke marre parasysh pensionet mesatare te personave qe kane nje periudhe kontributeve mbi 35 vjet ne kete projektligj parashikohet qe per cdo vit vjetersie nje ushtarak te marre 1.5 per qind te pages mesatare neto dhe keshtu nje ushtarak qe page ne nivelin mesatar arrin te marre nje pension te parakohshem qe eshte ne nivelet mesatare.
Ushtaraket kerkuan anulimin e ligjit
Pas miratimit te Aktit Normativ te Qeverise per uljen e pensionit suplementar ushtaraket paralajmeruan se do te ndermarrin te gjithe hapat e nevojshem per rrezimin e tij.
Sipas tyre ne rast te mosterheqjes nga votimi i Aktit Normativ ish-ushtaraket punonjesit e policise ata te forcave zjarrfikese punonjesit e gardes etj. kercenojne me ndermarrjen e te gjitha hapave demokratike per anulimin e tij ku nuk perjashtohen protestat si ajo e djeshmja si dhe kerkesa ndaj perfaqesive diplomatike ne vend qe te perdorin autoritetin e tyre per zgjidhjen e kesaj ceshtjeje.
Ne rast se ky Akt Normativ nuk anulohet ne do te ndermarrim te gjitha veprimet demokratike kushtetuese per te kerkuar rivendosjen e te drejtave ekonomike e financiare dhe do te vazhdojme protestat tona. Nese qeveria ben lufte politike ndaj nesh e tille do te jete edhe perpjekja e jone - tha ne ate kohe Mehdi Pogaci kreu i Shoqates se Ushtarakeve ne Lirim.