Presidenti i ardhshëm çek, gjumash!
http://www.youtube.com/watch?v=W638_f-kLjU
Ministri i Jashtëm çek, Karel Schwarzenberg
Ministri i Jashtëm çek, Karel Schwarzenberg, i cili do të kandidojë për president të vendit në zgjedhjet e vitit 2013, në takimet publike shfaqet tepër gjumash.
Xhirimet kur Schwarzenberg fle në takimet zyrtare, janë bërë hite në YouTube.
Schwarzenberg është i njohur për fjetjet e tij në takimet publike. Ai aq shumë ka fjetur në të tilla raste, sa që kompania e pijes energjike Kamikaze ka tentuar ta përdorë fotografinë e tij, se si fle në një debat politik, në një nga reklamat e saj me sloganin, Rri më gjatë në këmbë, por nuk ka mundur.
Është e njohur fotografia e realizuar, teksa Schwarzenberg flinte në Forumin e Sigurisë në Beograd, në dhjetorin e kaluar. Ndërsa, tani në internet po përhapet videoja e shtatëdhjetëvjeçarit, të cilin e zë gjumi gjatë fjalimit të David Rathit, ish-ministër dhe përfaqësues çek në Dhomën e Ultë të Parlamentit.
Schwarzenberg shquhet se, në darkat monotone, fjalimet e gjata dhe ndarjet e çmimeve, ai zakonisht ia ka futur gjumit. /E.Lata/