Presidentja Jahjaga përsëri rrëzohet

Presidentja e Kosovës Atifete Jahjaga, prapë sot është rrëzuar, derisa po hynte në një lokal në kryeqytet. Burime të Kosovapress bëjnë të ditur se Atifete Jahjaga, derisa po hynte në një lokal në Prishtinë, ka rrëshqitur dhe është rrëzuar.

Gjithashtu nga burime të Kosovapress-it, bëhet e ditur se gjendja e presidentës Jahjaga është e mirë dhe se nuk ka pësuar lëndime pas rrëzimit.

Megjithatë i kontaktuar nga Kosovapress, këshilltari i presidentes Arbër Vllahiu, duke qeshur pohoi se nuk është në dijeni që presidentja Jahjaga sot është rrëzuar.

Derisa kryeministri i Kosovës Hashim Thaçi shpëtoi pas rrëshqitjes ditë më parë kur vizitoi Gjakovën, si duket të njëjtin fat nuk e pati sot Presidentja e vendit, pasi që siç duket rrugët e Prishtinës, janë në një gjendje edhe më të keqe se ato të Pejës.

Ndryshe, kjo është hera e dytë, që presidentja Jahjaga është rrëzuar që nga marrja e postit si presidente e vendit. Herën e parë është rrëzuar derisa po qëndronte në Prevallë me familjen e saj dhe sot është rrëzuar, derisa po hynte në një lokal në kryeqytet.