Presidneti Topi takim me ambasadorin danez Jensen

Me rastin e marrjes së kryesimit të Presidencës së Bashkimit Evropian, ambasadori i Danimarkës në Tiranë Karsten Jensen është pritur në një takim nga Presidenti i Republikës Bamir Topi.

Takimi zhvillohet si çdo herë kur presidenca e BE-së ndryshon dhe gjatë takimit do të diskutohet mbi aspiratën e Shqipërisë për integrimi në BE.

Jensen, ndryshe nga ambasadorët e tjerë është një diplomat që ka folur hapur çdo herë që i është kërkuar opinion mbi çështje të rëndësishme dhe takimi me Topinvjen në një moment kur po diskutohet gjerësisht mbi zgjedhjen e presidentit të ri.

Ambasadori danez pak ditë më parë është shprehur se duke pasur parasysh rolin e Presidentit në ndërtimin konstitucional të Shqipërisë sa i takon sigurimit të pavarësisë së institucioneve, sipas tij zgjedhjet presidenciale do të jenë një test lakmusi i demokracisë shqiptare dhe qëndrimit të Shqipërisë si e tillë.

Në këtë prizëm, Jensen e shikon si shumë të rëndësishme zgjedhjen e një presidenti të pavarur dhe të panjollosur.

Për këtë çështje një ditë më parë është shprehur edhe kreu i prezencës së OSBE-së në Tiranë Eugen Volfart. Ai tha qartësisht se Shqipëria duhet të zgjedh një president konsensual.

Redaksia OnLine

Florenc Stafa