Prifti: Do të mbështes biznesin me kredi

Në cilësinë e ministrit të Ekonomisë, Tregtisë dhe Energjetikës, i sapomandatuari, Dritan Prifti, paraqiti dje në Parlament programin e 4 viteve që do të vijnë. Në thelb të planeve qëndronin mbështetja me fonde për biznesin privat, konkretisht për ndërmarrjet e vogla dhe të mesme. "Mbështetja ime për sektorin privat nuk do të reshtë kurrë, ndërsa synoj rrije të fondit të kredisë në 25 milionë lekë për biznesin eksportues", tha dje ministri Prifti, i zgjedhur nga elektorati i LSI-së. Sipas tij, investimet e huaja direkte do të rriten me 100%, ndërsa parashikohet mbyllja e të gjitha proceseve të privatizimit dhe rritje të punësimet me 160 mijë persona.