Prifti: Rama-Berisha po bllokojnë drejtësinë
Nënkryetari i LSI-së, Dritan Prifti, akuzoi dje kryetarin e Partisë Socialiste se po mbron korrupsionin dhe trafiqet e qeverisë.
"Në qoftë se këta dy njerëz merren vesh për të penguar drejtësinë, këta dy njerëz merren vesh për të shkatërruar çdo gjë tjetër që është e shenjtë në këtë vend. Prandaj, është niveli i korrupsionit kaq i lartë, prandaj janë trafiqet e drogës dhe trafiqet e tjera kaq të larta. Sepse Sali Berisha e ka nënshtruar Edi Ramën, partinë më të madhe opozitare në Parlamentin shqiptar", tha Prifti. Nënkryetari i LSI-së u shpreh se, "kjo Qeveri është e inkurajuar, sepse kryetari i Partisë Socialiste ka pushuar së bëri opozitë, sepse kryetari i PS-së është bërë nënkontraktor i Qeverisë për të mbrojtur korrupsionin, paaftësinë, trafiqet dhe gjithë të tjerat". I menjëhershëm ka qenë reagimi i PS-së, përmes zëdhënëses së kryesisë, Mimi Kodheli, e cila i ka cilësuar të turpshme akuzat e Priftit. "Edi Rama pa dyshim do t'i shkojë deri në fund kësaj çështjeje dhe e fton Ilir Metën të kontribuojë për heqjen e imunitetit të Bashës, e jo të rrëshqasë në batakun e politikës së vjetër", u shpreh Kodheli. Nënkryetari i LSI-së akuzoi kryeparlamentaren se nuk ka sjellë në Kuvend kërkesën e Gjykatës së Lartë për heqje të imunitetit nga Lulëzim Bashës, pas kallëzimit që Edi Rama i bëri atij për shpifje. Prifti për këtë veprim të kryeparlamentares, kërkon dorëheqjen e saj. Por nënkryetari i LSI-së shpreh habi se përse vetë Edi Rama nuk e kërkon heqjen e imunitetit të Bashës, kur vetë ai ka bërë kallëzim penal ndaj ministrit të Jashtëm për shpifje. "Pse trembet zoti Rama nga kjo akuzë? Pse nuk i ka kërkuar Kuvendit të merret me këtë akuzë?", vijoi Prifti.
"Në qoftë se këta dy njerëz merren vesh për të penguar drejtësinë, këta dy njerëz merren vesh për të shkatërruar çdo gjë tjetër që është e shenjtë në këtë vend. Prandaj, është niveli i korrupsionit kaq i lartë, prandaj janë trafiqet e drogës dhe trafiqet e tjera kaq të larta. Sepse Sali Berisha e ka nënshtruar Edi Ramën, partinë më të madhe opozitare në Parlamentin shqiptar", tha Prifti. Nënkryetari i LSI-së u shpreh se, "kjo Qeveri është e inkurajuar, sepse kryetari i Partisë Socialiste ka pushuar së bëri opozitë, sepse kryetari i PS-së është bërë nënkontraktor i Qeverisë për të mbrojtur korrupsionin, paaftësinë, trafiqet dhe gjithë të tjerat". I menjëhershëm ka qenë reagimi i PS-së, përmes zëdhënëses së kryesisë, Mimi Kodheli, e cila i ka cilësuar të turpshme akuzat e Priftit. "Edi Rama pa dyshim do t'i shkojë deri në fund kësaj çështjeje dhe e fton Ilir Metën të kontribuojë për heqjen e imunitetit të Bashës, e jo të rrëshqasë në batakun e politikës së vjetër", u shpreh Kodheli. Nënkryetari i LSI-së akuzoi kryeparlamentaren se nuk ka sjellë në Kuvend kërkesën e Gjykatës së Lartë për heqje të imunitetit nga Lulëzim Bashës, pas kallëzimit që Edi Rama i bëri atij për shpifje. Prifti për këtë veprim të kryeparlamentares, kërkon dorëheqjen e saj. Por nënkryetari i LSI-së shpreh habi se përse vetë Edi Rama nuk e kërkon heqjen e imunitetit të Bashës, kur vetë ai ka bërë kallëzim penal ndaj ministrit të Jashtëm për shpifje. "Pse trembet zoti Rama nga kjo akuzë? Pse nuk i ka kërkuar Kuvendit të merret me këtë akuzë?", vijoi Prifti.