Prifti shkarkon keshilltarin Eduart Belegu

Vendimi i Gjykates se Elbasanit pasditen e djeshme per masen e "arrestit me burg" ndaj Eduart Belegut, ish-drejtor i "Darfo"-s ne Uzinen e Ferrokromit, ka sjelle edhe reagimin e menjehershem te ministrit te Ekonomise, Tregtise dhe Energjetikes, Dritan Prifti. Zedhenesja e kreut te dikasterit konfirmoi mbreme per "KJ" se "ministri u njoh me vendimin e Gjykates Elbasan per arrestimin e Eduard Belegut, keshilltar per minierat. Per t'i hapur rruge hetimeve, urdheroi lirimin e tij nga detyra". Me tej sqarohet se keshilltari per minierat, i emeruar ne kete detyre prej disa muajsh, ka akuzohet se ka kryer kete veper penale gjate periudhes 2004-2007 dhe jo aktualisht qe ka marre pozicionin ne ministri. "Nga njoftimi per shtyp i Prokurorise se Rrethit Gjyqesor Elbasan, rezulton qe ndalimi eshte bere per veprime te viteve 2004-2007, kur Belegu punonte administrator i nje kompanie private. Ministri shpreson qe organet e drejtesise te bejne detyren per zbardhjen e plote te kesaj ceshtje", perfundon njoftimi i METE-s.