Prishen kontratat me te pastrehet

Enti Kombëtar i Banesave ka vendosur të prishë kontratat me të gjithë ata qytetarë që kanë përfituar nga statusi i të pastrehëve, por qe nuk kanë shlyer rregullisht këstet për blerjen e tyre.

"Te gjitha ata që s'kanë paguar do kalojnë me qera sociale per nje periudhe 10-vjecare dhe humabsin përfundimisht të drejtën për privatizimin e tyre", u shpreh drejtori i Entit te Banesave, Ilirian Proko.

Drejtori Proko bën të ditur se vendimi do të preke një numër të konsiderueshëm familjesh, të cilat nuk kanë qenë korrekte në shlyerjen e pagesave.

"Kemi 94 familje për të cilat është marrë vendimi, ndërkohë që po përgatisim edhe listën e dytë", u shpreh Proko.

Në tre vitet e fundit, Enti kombëtar ka ndërtuar rreth 1 mijë banesa sociale për të pastrehët. Por sipas Prokos ndërtimi i apartamenteve nuk është e vetmja rruga me të cilën shteti ndihmon të pastrehët.

Që nga krijimi i tij në vitin 1993, Enti ka ndërtuar rreth 15 mijë apartamente, në të gjithë vendin, të cilat janë përfituar nga të pastrehët me kushte mjaft lehtësuese.