Prishtina kërkon kontroll të vizave të zyrtarëve serbë

Prishtinë - Pavarësisht kritikave dhe ankesave të Beogradit në mekanizmat ndërkombëtare, qeveria e Kosovës nuk do të heqë dorë nga synimi për t'i vënë nën kontroll vizitat e zyrtarëve të Serbisë, tha ministri i Punëve të Brendshme Zenun Pajaziti. Sipas tij, Prishtina nuk ka për qëllim që të provokojë Beogradin kur nga zyrtarët e tij po kërkon të pajisen me leje zyrtare për të hyrë në Kosovë, "përkundrazi kjo do të ndihmojë në rritjen e respektit reciprok ndërmjet shteteve", është shprehur Pajaziti për gazetën "Zëri".