Prokuroria do të kthejë lekët për vdekjen e djalit të Moisiut
Prokuroria e Përgjithshme do të duhet t‘i rikthejë Byrosë së Sigurimeve një shumë prej 7.5 milionë lekësh, të cilat janë marrë në rastin e vdekjes aksidentale të Admir Moisiut, djalit të ish-presidentit Alfred Moisiu dhe plagosjes së kolegut të tij Rrahman Jati. Vendimi është marrë dje nga gjyqtari Admir Thanza në përfundim të procesit që Byroja e Sigurimeve ka hapur ndaj Prokurorisë së Përgjithshme. Gjykata, pasi ka dëgjuar të dyja palët, si dhe ka marrë në administrim provat materiale vendosi: "Pranimin e kërkesëpadisë së palës paditëse Byroja Shqiptare e Sigurimit të bazuar në prova dhe në ligj. Detyrimin e palës së paditur (Prokuroria e Përgjithshme), t‘i kthejë palës paditëse shumën prej 7.505.215 lekë, e cila është paguar nga kjo e fundit për vdekjen e të ndjerit Admir Moisiu dhe dëmtimet e shëndetit të shtetasit Rrahman Jata".
Procesi për këtë çështje kishte nisur në shtator të vitit të kaluar, kur Byroja e Sigurimeve kishte ngritur padi ndaj prokurorisë. Sipas kërkesës së bërë gjatë procesit, familja Moisiu ishte shpërblyer me 90 milionë lekë të vjetra për humbjen e të birit në aksidentin tragjik të 10 marsit 2004, ndërsa punonjësi tjetër i prokurorisë, Rrahman Jata, është dëmshpërblyer me 4 milionë lekë të vjetra për shkak të dëmtimeve që mori në aksident, për të cilat u mjekua në spital. Por avokatët e Byrosë së Sigurimeve deklaruan gjatë procesit se pas verifikimeve të bëra, kishte rezultuar se makina tip "Mitsubishi Pajero", me targë 387 E 659, në pronësi të Prokurorisë së Përgjithshme, në momentin e aksidentit kishte qenë e pasiguruar. Vetë Byroja në çastin që kishte paguar paratë e sigurimeve kishte pasur bindjen se automjeti ishte i siguruar. Në këtë mënyrë janë dhënë paratë në bazë të ligjit "Për sigurimin e detyrueshëm të mbajtësve të mjeteve motorike, për përgjegjësinë ndaj personave të tretë", sipas të cilit, përfitojnë familjet e të gjithë personave që ndodhen pasagjerë në mjetet e aksidenteve. Por pas verifikimeve rezultoi e kundërta dhe tashmë prokuroria duhet të rikthejë paratë e marra. Admir Moisiu, ish-drejtor i Kontrollit në Prokurorinë e Përgjithshme, humbi jetën më 10 mars të vitit 2004, së bashku me shoferin e Prokurorisë së Përgjithshme, Artan Shijaku, ndërsa arriti të shpëtojë financieri Rrahman Jata. Tre punonjësit e prokurorisë po udhëtonin drejt Gjirokastrës për çështje pune, ndërsa kanë pësuar aksidentin tragjik, duke dalë nga rruga dhe duke rënë në lumin Drino.
Procesi për këtë çështje kishte nisur në shtator të vitit të kaluar, kur Byroja e Sigurimeve kishte ngritur padi ndaj prokurorisë. Sipas kërkesës së bërë gjatë procesit, familja Moisiu ishte shpërblyer me 90 milionë lekë të vjetra për humbjen e të birit në aksidentin tragjik të 10 marsit 2004, ndërsa punonjësi tjetër i prokurorisë, Rrahman Jata, është dëmshpërblyer me 4 milionë lekë të vjetra për shkak të dëmtimeve që mori në aksident, për të cilat u mjekua në spital. Por avokatët e Byrosë së Sigurimeve deklaruan gjatë procesit se pas verifikimeve të bëra, kishte rezultuar se makina tip "Mitsubishi Pajero", me targë 387 E 659, në pronësi të Prokurorisë së Përgjithshme, në momentin e aksidentit kishte qenë e pasiguruar. Vetë Byroja në çastin që kishte paguar paratë e sigurimeve kishte pasur bindjen se automjeti ishte i siguruar. Në këtë mënyrë janë dhënë paratë në bazë të ligjit "Për sigurimin e detyrueshëm të mbajtësve të mjeteve motorike, për përgjegjësinë ndaj personave të tretë", sipas të cilit, përfitojnë familjet e të gjithë personave që ndodhen pasagjerë në mjetet e aksidenteve. Por pas verifikimeve rezultoi e kundërta dhe tashmë prokuroria duhet të rikthejë paratë e marra. Admir Moisiu, ish-drejtor i Kontrollit në Prokurorinë e Përgjithshme, humbi jetën më 10 mars të vitit 2004, së bashku me shoferin e Prokurorisë së Përgjithshme, Artan Shijaku, ndërsa arriti të shpëtojë financieri Rrahman Jata. Tre punonjësit e prokurorisë po udhëtonin drejt Gjirokastrës për çështje pune, ndërsa kanë pësuar aksidentin tragjik, duke dalë nga rruga dhe duke rënë në lumin Drino.