Prokuroria, gjobe Neranxit 10 milione leke Redinalda Caushaj
Tirane- Ish-deputeti i Levizjes Socialiste per Integrim, Nikollaq Neranxi, rrezikon denimin e tij me 10 milione leke gjobe per akuzen e "kontrabandes me mallra te tjera". Kjo ishte gjobe e percaktuar nga Prokuroria e Pergjithshme, ne konkluzionet e saj perfundimtare. Sipas hetimeve te kryera nga akuza, Neranxi akuzohet se i ka shkaktuar shtetit nje dem prej 13.664.916 leke nga mosdeklarimi dhe zhdoganimi i mallrave. Shkeljet jane kryer per 21 raste te mallrave te hyra ne territorin shqiptar. Nga hetimet ka rezultuar se ish-deputeti akuzohet se nga shkurti i vitit 2001 deri ne gusht 2004, ka kaluar pa deklaruar mallra te ndryshem si kaseta VHS, bateri, albume fotografike, film fotografik, CD, etj. Prokuroria ka arritur te dokumentoje qe keto shkelje jane kryer per 21 raste te mallrave te hyra ne territorin shqiptar. Gjate hetimeve paraprake, autoritetet doganore greke, me ane te nje shkrese, kane kerkuar asistencen e Drejtorise se Pergjithshme te Doganes, per nje hetim administrativ te nisur ne Greqi ndaj shoqerise greke "SALCOFOT" A.E. Selanik, perfaqesuar nga Salvador Kunio, per periudhen 2001-2004. Bashkelidhur me kete shkrese, autoritetet doganore greke kane derguar dhe kopje te faturave dhe deklarimeve doganore te eksportit, nga te cilat evidentohet se per 21 raste, faturat e kesaj shoqerie i jane leshuar klientit I. T., me banim ne Tirane. Malli eshte deklaruar per eksport ne degen doganore greke, Kastoria dhe eshte transportuar ne drejtim te Shqiperise me disa kamione me targa shqiptare. Kamionet qe kane bere transportin kane qene njeri ne pronesi te S. D. dhe kater te tjere ne pronesi te babait te te pandehurit. Nga verifikimet e kryera nga ana e doganes shqiptare dhe nga hetimet e kryera nga prokuroria, rezulton se kamionet e deklaruar si transportues perpara autoriteteve doganore greke, kane kryer proceduren tranzit ne degen doganore Kapshtice, ndersa procedurat e zhdoganimit ne Tirane. Te dhenat e praktikave doganore respektive ne Kapshtice e Tirane, tregojne se artikujt e blere ne Greqi nga shoqeria "SALCOFOT" qe kane hyre ne territorin e vendit tone, nuk jane deklaruar si te importuar dhe nuk jane zhdoganuar.