Protestuesit ne Wall Street jane zotuar se nuk do te ndalen

Protestuesit në Wall Street janë zotuar se nuk do të ndalen kundrejt urdhrit që u kërkon që të lirojnë hapësirat e pushtuara për arsye higjene dhe të sigurisë publike.

Me mijëra manifestues që kanë ngritur çadrat e tyre në qendër të Manhatanit janë shprehur të vendosur të vazhdojnë.

Për ta, urdhri është një justifikim për të shuar zërin e protestës e marrin fshesat në duar për të organizuar një operacion pastrimi kolektiv.

Organizatorët thonë se shpresojnë që autoritet të dëgjojnë zërin e protestës së tyre të heshtur.

Buzë kampit vërehen kosha për mbeturina të çdo lloji e angazhimit për pastërti i bashkëngjitet dhe vendosmëria për të mundësuar dhe riciklimin e materialeve të përdorur.

E ndërkohë protesta ditë pas dite gjen mbështetje dhe tek emra të njohur.

Ish-zv/presidenti amerikan Al Gore ka shprehur mbështetjen e tij për protestën.