Pushimet e shqiptarëve, ekonomia dhe alternativat

Shqiptarët duan plazhin! Ky ka qenë rezultati i një vëzhgimi të kryer gjatë ditës së sotme me kameran e “Ora News”, lidhur me pushimet verore, ku qytetarët pritet të kalojnë këtë sezon vere.
 

Ajo që bie në sy është se ujin e detit, rërën e nxehtë dhe diellin rrezëllitës, janë të rinjtë ata që e preferojnë më së shumti, ndërsa moshat e mesme dhe të treta, i japin përparësi më shumë turizmit malor.
 

Sigurisht, edhe si pasojë e gjëndjes se tyre shëndetësore, ata janë gjithnjë e më shumë në kërkim të qetësisë, freskisë dhe ajrit të pastër. Nderkohë, ashtu si edhe vitet e tjera, shqiptarët po vazhdojne t’u qëndrojne besnik këtyre dy alternativave, duke pasur parasysh dhe xhepat e tyre.