Qëlloi agresorin e të atit, nën akuzë vajza

 

KORÇE - Përleshet me kushëririn e sëmurë mendor, që tentoi t'i vriste, përfundon nën akuzë bashkë me viktimën. Sipas policisë së Korçës, ngjarja ka ndodhur mesnatën e së dielës, në fshatin Voskop, teksa Shkëlzen Duti, 37 vjeç, ka shkuar me sëpatë në dorë në banesën e kushëririt të tij Enver Abilas. I nervozuar që nuk e gjeti zgjuar të zotin e shtëpisë, e ka qëlluar me sëpatë në kokë dhe trup duke i shkaktuar plagë të shumta. Në këtë moment ka hyrë vajza e martuar e Enverit, Liljana Lika dhe kur ka parë të atin  të mbytur në gjak, e ka humbur kontrollin e vetes, duke i rrëmbyer sëpatën kushëririt dhe e ka qëlluar ku mundte dhe pastaj e ka shtyrë jashtë shtëpisë. Dy viktimat janë përcjellë në spital ku ndodhen në gjendje të rëndë, ndërsa ka nisur çështja penale për të sëmurin mendor dhe vajzën.                                  jo.gj.