Qerimaj ambicioz per Londer 2012
Me Europën pak a shumë ka mbaruar punë, edhe pse ndonjë medalje tjetër të artë nuk do ta refuzonte. Veçse, synimi kryesor i momentit për Erkand Qerimajn është Olimpiada që do të zhvillohet këtë verë në Londër dhe ku peshëngritësi shqiptar do të përpiqet të bëhet i pari kuqezi që të marrë një medalje.
Nëse do të bëjmë një krahasim me Lojrat Olimpike në Pekin, 4 vjet më parë, atëherë mund të themi me siguri se për medalje nuk do të mjaftonte rezultati ia rritur nga shkodrani në Europianin e fundit, pavarësisht se ai mori medaljen e artë.
Vendi i parë në shkëputje i kinezit Li Hongli u arrit me 168 kg, pra 10 kg më shumë sesa Qerimaj arriti në Antalia, ndërsa vendi i parë në shtytje, i koreanit Jae-Hjuk u bë i mundur me 203 kg, pra 13 kg më shumë sesa Erkandi pak ditë më parë.
Në nivelet e tanishme, Qerimaj nuk do të arrinte dot as në 10 më të mirët në një kategori shumë konkurruese siç është kjo në peshën deri 77 kg.
Që të afrohet tek zona e medaljeve, shtangisti ynë duhet të rritet me 5 kg të paktën në shkëputje dhe 5 deri në 8 kg në shtytje, pra një detyrë jo e lehtë.
Për këtë arsye, trajneri i tij, Kovaçi, ka përpiluar një program me dy seanca stërvitore në ditë, për një periudhë 3-mujore që nis më 2 maj dhe përfshin majin, qershorin dhe korrikun. Për Qerimajn nuk ka ndonjë problem ta realizojë këtë program, por nuk mund të thuhet kështu për Kovaçin, pasi ai pengohet nga puna e tij si mësues i edukimit fizik, që duhet të jetë paradite në shkollë për muajt maj e qershor.
Pra, ekziston një ngërç i cili shpresohet që të zgjidhet në të mirë jo vetëm të Qerimajt, por të gjithë peshëngritjes shqiptare dhe sportit kuqezi.
Nëse do të bëjmë një krahasim me Lojrat Olimpike në Pekin, 4 vjet më parë, atëherë mund të themi me siguri se për medalje nuk do të mjaftonte rezultati ia rritur nga shkodrani në Europianin e fundit, pavarësisht se ai mori medaljen e artë.
Vendi i parë në shkëputje i kinezit Li Hongli u arrit me 168 kg, pra 10 kg më shumë sesa Qerimaj arriti në Antalia, ndërsa vendi i parë në shtytje, i koreanit Jae-Hjuk u bë i mundur me 203 kg, pra 13 kg më shumë sesa Erkandi pak ditë më parë.
Në nivelet e tanishme, Qerimaj nuk do të arrinte dot as në 10 më të mirët në një kategori shumë konkurruese siç është kjo në peshën deri 77 kg.
Që të afrohet tek zona e medaljeve, shtangisti ynë duhet të rritet me 5 kg të paktën në shkëputje dhe 5 deri në 8 kg në shtytje, pra një detyrë jo e lehtë.
Për këtë arsye, trajneri i tij, Kovaçi, ka përpiluar një program me dy seanca stërvitore në ditë, për një periudhë 3-mujore që nis më 2 maj dhe përfshin majin, qershorin dhe korrikun. Për Qerimajn nuk ka ndonjë problem ta realizojë këtë program, por nuk mund të thuhet kështu për Kovaçin, pasi ai pengohet nga puna e tij si mësues i edukimit fizik, që duhet të jetë paradite në shkollë për muajt maj e qershor.
Pra, ekziston një ngërç i cili shpresohet që të zgjidhet në të mirë jo vetëm të Qerimajt, por të gjithë peshëngritjes shqiptare dhe sportit kuqezi.