Qeveria percakton tarifat e sherbimit per legalizimin e objekteve pa leje ne ndertime me leje

Qeveria ka miratuar dje vendimin, i cili percakton vlerat e tarifes se sherbimit per legalizimin dhe mbledhjen e administrimin e te ardhurave nga procesi i legalizimit. Nga ndryshimet e fundit qe i behen ligjit per legalizimin, urbanizimin dhe integrimin e ndertimeve pa leje percaktohet me konkretisht tarifa e sherbimit per legalizimin e objekteve pa leje, shtesave informale ne ndertime me leje. Sipas ketyre ndryshimeve, tarifa e sherbimit per perditesim, per cdo kat te objektit pa leje ose shteses informale ne ndertime me leje eshte ne vleren 4 000 leke. Ndersa tarifa e sherbimit per hartimin e dokumentacionit tekniko - ligjor, per cdo objekt pa leje/shtese informale ne ndertim me leje eshte me vlere 6 000 leke. Te ardhurat e mbledhura nga tarifa e sherbimit per perditesimin dhe per hartimin e dokumentacionit tekniko - ligjor do te perdoren nga ALUIZNI dhe do te destinohen respektivisht per perditesimin ne terren te gjendjes ndertimore dhe mbulimin e shpenzimeve per hartimin e dokumentacionit administrativ per legalizimin e objekteve pa leje ose shtesave informale ne ndertime me leje. Ne vendim thuhet se subjektet, qe perfitojne legalizimin e objekteve informale, do te shlyejne brenda 10 ditesh nga data e njoftimit me shkrim mbi pagesat, te cilat do te derdhen ne llogarine e hapur per kete qellim. Per ekzekutimin e ketyre ndryshimeve ne ligj ngarkohet Ministria e Puneve Publike dhe Transportit dhe Agjencia e Legalizimit, Urbanizimit dhe Integrimit te Zonave/Ndertimeve Informale