Qeveria shkarkon kryetarin e Komunës Trebinjë

Këshilli i Ministrave ka marrë dje vendimin për shkarkimin nga detyra të kryetarit të Komunës Trebinjë të Qarkut të Korçës. Gjergji Buzo nuk do të jetë më kryetari i Komunës Trebinjë, pasi është shkarkuar dje me një vendim qeverie. Në mbështetje të neneve 100 e 115, pika 1, të Kushtetutës dhe të shkronjës “a”, të nenit 42, të ligjit nr. 8652, datë 31.7.2000, “Për organizimin dhe funksionimin e qeverisjes vendore”, me propozimin e ministrit të Brendshëm, Këshilli i Ministrave vendosi shkarkimin nga detyra, për shkelje të rënda të ligjit, të kryetarit të Komunës Trebinjë, të Qarkut të Korçës, Gjergji Buzo.