Quint’i në aksion kundër propozim-rezolutës serbe
Prishtinë, 11 gusht - Sjellja e Serbisë pas shpalljes së opinionit të GJND-së për pavarësinë e Kosovës, sidomos deponimi i propozim-rezolutës në OKB, ka nxitur mobilizimin e shteteve anëtare të Quint’it në mbështetje të shtetit të ri.
Përfaqësues nga SHBA-ja, Britania e Madhe, Franca, Gjermania dhe Italia kanë mbajtur një seri konsultimesh në New York për koordinim të aksioneve për njohje të reja për Kosovën, si dhe për pengim të propozim-rezolutës serbe, ka mësuar gazeta Express nga dy burime diplomatike.
Arsyeja kryesore për angazhim të shtuar të anëtarëve të Quint’it është qëndrimi befasues i Beogradit që edhe pas verdiktit të Gjykatës së Hagës të insistojë në negociata për statusin politik të Kosovës.
Serbisë i është tërhequr vërejtja para 22 korrikut që të mos ndërmarrë hapa të njëanshëm pas vendimit të GJND-së, por Beogradi dëshmoi se nuk do t’i përfillë ato.
“Secili nga anëtarët e Quintit ka marrë një pjesë të barrës. Janë dërguar demarshe te shumë shtete që nuk kanë njohur Kosovën, por edhe disa nga ato që e kanë njohur. është kërkuar të njihet pavarësia e Kosovës dhe të mos i jepet mbështetje propozim-rezolutës së Serbisë”, ka thënë për Express një diplomat i lartë evropian në kusht anonimiteti.
Ky diplomat thotë se në këtë komunikim qeveritë e shteteve të Quint’it kanë përdorur një gjuhë tejet të fuqishme.
“Arsyeja se të gjitha shtetet e Quint’it përdorën gjuhë të fuqishme është se drafti serb i dërguar në Asamblenë e Përgjithshme me të vërtetë nuk ishte një gjë e mirë”, thotë ai.
Demarshi është mënyrë e komunikimit diplomatik përmes të cilit përcillet qëndrimi zyrtar i një Qeverie tek tjera.
Ky diplomat zbulon se përpjekja e anëtarëve të Quint’it për të bindur shtetet që ta njohin Kosovën është shumë e madhe. “Ambasadorët kanë marrë instruksione që në këto vende të angazhohen përtej demarshit. Të kenë komunikim të drejtpërdrejtë me zyrtarë të qeverive përkatëse”, ka shtuar ai.
Përfaqësues nga SHBA-ja, Britania e Madhe, Franca, Gjermania dhe Italia kanë mbajtur një seri konsultimesh në New York për koordinim të aksioneve për njohje të reja për Kosovën, si dhe për pengim të propozim-rezolutës serbe, ka mësuar gazeta Express nga dy burime diplomatike.
Arsyeja kryesore për angazhim të shtuar të anëtarëve të Quint’it është qëndrimi befasues i Beogradit që edhe pas verdiktit të Gjykatës së Hagës të insistojë në negociata për statusin politik të Kosovës.
Serbisë i është tërhequr vërejtja para 22 korrikut që të mos ndërmarrë hapa të njëanshëm pas vendimit të GJND-së, por Beogradi dëshmoi se nuk do t’i përfillë ato.
“Secili nga anëtarët e Quintit ka marrë një pjesë të barrës. Janë dërguar demarshe te shumë shtete që nuk kanë njohur Kosovën, por edhe disa nga ato që e kanë njohur. është kërkuar të njihet pavarësia e Kosovës dhe të mos i jepet mbështetje propozim-rezolutës së Serbisë”, ka thënë për Express një diplomat i lartë evropian në kusht anonimiteti.
Ky diplomat thotë se në këtë komunikim qeveritë e shteteve të Quint’it kanë përdorur një gjuhë tejet të fuqishme.
“Arsyeja se të gjitha shtetet e Quint’it përdorën gjuhë të fuqishme është se drafti serb i dërguar në Asamblenë e Përgjithshme me të vërtetë nuk ishte një gjë e mirë”, thotë ai.
Demarshi është mënyrë e komunikimit diplomatik përmes të cilit përcillet qëndrimi zyrtar i një Qeverie tek tjera.
Ky diplomat zbulon se përpjekja e anëtarëve të Quint’it për të bindur shtetet që ta njohin Kosovën është shumë e madhe. “Ambasadorët kanë marrë instruksione që në këto vende të angazhohen përtej demarshit. Të kenë komunikim të drejtpërdrejtë me zyrtarë të qeverive përkatëse”, ka shtuar ai.