Qyteti qe rrenohet bashke me industrine e naftes
Bashkia e Kucoves ka ne perberjen e saj 33440 banore. Ky qytet ka nje popullsi heterogjene fale hovit qe mori industria e naftes deri ne vitet 90. Zhvillimi i ketij qyteti eshte i lidhur pazgjithshmerisht me burimet nentokesore dhe mundesia e vetme e punesimit deri para viteve 90 ka qene pikerisht sektori i naftes. Pas renies se komunizmit qyteti filloi te ndiente krizat e para te papunesise dhe varferise. Dhjetera ndermarrje u shkaterruan por nafta mbetet sot e kesaj dite sektori me i rendesishem per ekonomine lokale. Vitet e fundit me avancimin e pergatitjeve per privatizimin e plote te kompanive shteterore te naftes numrin i te papuneve eshte rritur ndjeshem ne kete qytet. Reformat strukturore jane shoqeruar me zevendesimin e specialisteve dhe punetoreve te kualifikuar me militante partiake. Pervec problemeve te papunesise dhe varferise Kucova ka edhe problemin e ujit te pijshem legalizimit te zonave informale. Nxjerrja jashte funksionit e shume sektoreve te naftes beri qe shume zona te jene ende te ndotura duke bere qe mjedisi ne kete qytet te jete problematik. Mungesa e hapesirave per ndertim ben qe Kucova te kete nje tjeter problem te mprehte ate te strehimit. Ndersa eshte investuar ne qender te qytetit rruget dytesore jane ne gjendje teper te renduar pasi probleme kane edhe sistemimi i ujerave te larta.