Raikonen: E pamundur të fitojmë në pistën e Bahrejn

Paraqitjet e dobëta në tri garat e para të
Botërorit 2009 kanë ndikuar në moralin e
Ferrarit. Përpara Çmimit të Madh të Bahrejnit,
optimizmi është në nivelet minimale. Nëse Felipe
Masa ende shpreson te kthesa, Kimi Raikonen
tregohet më realist. "Në dy vitet e fundit Ferrari
ka fi tuar gjithmonë në cirkuitin e Sakhirit, por të
them të drejtën nuk mendoj se këtë herë do të
jetë e mundur. Nëse gjatë fundjavës nuk do të
kemi probleme, mund të tentojmë të fi tojmë
pikë ose maksimalisht të arrijmë në podium",
deklaroi fi nlandezi. "Jemi pa asnjë pikë dhe kjo
nuk na e lehtëson punën. Gjithsesi, nuk është
hera e parë që kalojmë situata të komplikuara.
Skuadra duhet të qëndrojë e përqendruar dhe
të bëjë më të mirën e mundshme: në Barcelonë
do të bëhen shumë ndryshime dhe vetëm pas
asaj gare mund të jemi në gjendje të kuptojmë
diferencat reale me kundërshtarët". Në fund edhe
dy fjalë për Fetel: "Jam i lumtur që fi toi. Zhvilloi një
garë të shkëlqyer në Kinë dhe e meritoi suksesin".