Rama-Meta, takim për reformën zgjedhore
• Kryetarët e dy partive kryesore opozitare, Edi Rama dhe Ilir Meta, janë takuar dje në mesditë në lidhje me reformën zgjedhore.Bllokimi i punës së Komisionit të Posaçëm parlamentar për Reformën Zgjedhore ka qenë në qendër të bisedës mes drejtuesve të PS-së dhe LSI-së. Takimi i djeshëm i ka hapur rrugë edhe mbledhjes këto ditë të tryezës së partive opozitare, të cilat do të dalin me një qëndrim të unifikuar në lidhje me pikat e reformës zgjedhore. Rama i ka dërguar të gjitha partive parlamentare draftin e socialistëve me “5 Jo” për reformën zgjedhore, draft që në pikat kyçe është kontestuar edhe nga vetë aleatët e majtë. LSI është shprehur për proporcional të personalizuar dhe lista të hapura të kandidatëve, pasi listat e mbyllura fusin korrupsion në radhët e partive. Gjithashtu dhe partitë e tjera opozitare, PSD, PAD dhe PDS janë shprehur kundër listave të mbyllura. Pritet që tryeza e krerëve të partive opozitare të sheshojë divergjencat mes tyre në këtë pikë dhe të shkojnë në Parlament me një qëndrim të unifikuar për reformën zgjedhore.