Rama: PD-ja e ndarë në tresh. Të treja s`bëjnë shumicë

Kryetari i Partisë Socialiste, Edi Rama ka reaguar në lidhje me deklaratat e kryeministrit Berisha në mbledhjen e grupit të PD-së se Rama u thotë të tijve se do fitojmë nga Bamiri dhe Kreshniku.

Ndërsa i ka cilësuar si shpifje deklaratat e kreut të qeverisë Rama ka theksuar se PD-ja është e ndarë në tresh dhe nuk përbën më shumicë. Shpifja e ditës: Edi Rama u thote të tijve do fitojmë nga Kreshniku!E vërteta: PD është ndarë në tresh dhe të treja PD bashkë s`bëjnë shumicë! shkruan Rama

Ai ka theksuar më tej se ora e kryeministrit ka ngecur në të shkuarën duke theksuar se sulmet ndaj opozitës nuk mund të ofrojnë zgjidhje për problemet që po kalon vendi. Shpifjet s`janë vizion. Fyerjet s`janë program. Sulmet ndaj opozitës s`janë zgjidhje për problemet e vendit. Programi ynë për një Rilindje Shqiptare është rruga që bashkë me qytetarët do të hapim drejt Bashkimit Europian për një Shqipëri Europiane thekson më tej Rama.