Rama: Programi qeverisës në bashkëpunim me qytetarët
Kryetari i PS-së, Edi Rama, deklaroi dje që nga Korça se hartimi i një programi të ri, duhet të jetë instrumenti qeverisës i hartuar nga vetë shqiptarët, në qytet dhe në fshat. Sekretari rajonal i qarkut, Alfred Dalipi dhe deputetët Majko e Blushi, duke dëgjuar dhe bashkëbiseduar me banorët, kanë vënë theksin tek fakti se idetë dhe sugjerimet e atyre që jetojnë në fshat çdo ditë me tokën, janë mjaft të rëndësishme për programin që po harton PS-ja. Kryetari i PS-së, Rama, ka ironizuar qeveritarët që flasin shumë për integrimin, por realisht bëjnë pak për një Shqipëri të vërtetë evropiane. “Duhet të bëhemi bashkë dhe të lëmë mënjanë paragjykimet”, - u shpreh Rama në këtë takim në Podgorie - kjo në mënyrë që partitë të fillojnë të mendojnë për hallet e qytetarët”. Bashkëbisedimi me banorët e fshatit Podgorie ishte dhe takimi i fundit i zhvilluar për qarkun e Korçës, ku në harkun e disa ditëve u zhvilluan dialogje për bujqësinë në mbi 10 fshatra të këtij qarku. “Shqipëria e sotme nuk është fryt i talentit, i zgjuarsisë, energjive pozitive të popullit tonë, por është rezultat i një politike të vjetër, e kthyer me kurriz nga njerëzit. Është rezultat i një politike që nuk ka pasur kurajën për të dëgjuar njerëzit, teksa nuk ka gjetur rrugët për t’u shërbyer njerëzve dhe për t’i shërbyer aspiratës së shqiptarëve për zhvillim, sepse edhe kur ka dashur, nuk ka ditur”, - deklaroi më tej kryetari i PS-së.
PLL: Kodi Zgjedhor, brenda këtij sesioni parlamentar
Partia Lëvizja e Legalitetit kërkoi dje miratimin e Kodit të ri Elektoral brenda këtij sesioni parlamentar, gjë që do të ndihmojë në përgatitjen e infrastrukturës zgjedhore. Komiteti Drejtues i PLL-së, i mbledhur dje diskutoi mbi ecurinë e fushatës zgjedhore në degët lokale të partisë, si dhe programin e saj, në funksion të zgjedhjeve parlamentare të vitit 2009. Në këtë kuadër, kryetari i PLL-së, Ekrem Spahia, rikonfirmoi qëndrimin e kësaj partie për realizimin e zgjedhjeve të lira, të ndershme dhe me shanse të barabarta për të gjithë konkurruesit. "Eliminimi i fenomenit të Dushkut, krijimi i regjistrit të saktë kombëtar të votuesve, pajisja e shtetasve me karta identiteti, menaxhimi i procesit zgjedhor nga komisionerë jopartiakë, krijimi i mundësisë që mërgata e vjetër dhe emigracioni i ri të ushtrojnë të drejtën e votës, janë çështje shumë të rëndësishme që duhet të jenë në qendër të diskutimit para hartimit dhe miratimit të Kodit Zgjedhor", - u shpreh kryetari Spahia. Ai risolli në vëmendje nevojën që me ligjin e ri zgjedhor të krijohet një rajon i veçantë elektoral për të gjithë shqiptarët e diasporës, ku kandidatët për deputetë të këtij rajoni të jenë nga radhët e emigracionit".
PLL: Kodi Zgjedhor, brenda këtij sesioni parlamentar
Partia Lëvizja e Legalitetit kërkoi dje miratimin e Kodit të ri Elektoral brenda këtij sesioni parlamentar, gjë që do të ndihmojë në përgatitjen e infrastrukturës zgjedhore. Komiteti Drejtues i PLL-së, i mbledhur dje diskutoi mbi ecurinë e fushatës zgjedhore në degët lokale të partisë, si dhe programin e saj, në funksion të zgjedhjeve parlamentare të vitit 2009. Në këtë kuadër, kryetari i PLL-së, Ekrem Spahia, rikonfirmoi qëndrimin e kësaj partie për realizimin e zgjedhjeve të lira, të ndershme dhe me shanse të barabarta për të gjithë konkurruesit. "Eliminimi i fenomenit të Dushkut, krijimi i regjistrit të saktë kombëtar të votuesve, pajisja e shtetasve me karta identiteti, menaxhimi i procesit zgjedhor nga komisionerë jopartiakë, krijimi i mundësisë që mërgata e vjetër dhe emigracioni i ri të ushtrojnë të drejtën e votës, janë çështje shumë të rëndësishme që duhet të jenë në qendër të diskutimit para hartimit dhe miratimit të Kodit Zgjedhor", - u shpreh kryetari Spahia. Ai risolli në vëmendje nevojën që me ligjin e ri zgjedhor të krijohet një rajon i veçantë elektoral për të gjithë shqiptarët e diasporës, ku kandidatët për deputetë të këtij rajoni të jenë nga radhët e emigracionit".