Rama: Shqipëria, në pikpamje ligjore ka decentralizim të gjerë

Kryetari i Bashkisë së Tiranës, Edi Rama theksoi të mërkurën, gjatë një takimi me studentë të Shkollës Politike Shqiptare, se Shqipëria në pikpamje ligjore ka decentralizim të gjerë. Duke folur rreth modelit shqiptar të decentralizimit, Rama tha se "unë besoj që Shqipëria në pikëpamje legjislative ka decentralizim të gjerë, kryesisht i referohem jo vetëm nënshkrimit të Kartës Europiane për Autonominë Vendore, por edhe ligjit organik të qeverisjes vendore,  i cili ka një bazë ligjore që presupozon një vend me  një decentralizim të gjerë". Por, sipas kryebashkiakut  Rama, "një pjesë e konsiderueshme e këtij ligji është e pajetësuar, jemi  relativisht mbrapa në jetësimin e atij decentralizimi që sheh ligji organik, sepse nga  njëra anë me plot të drejtë  qytetarët i drejtohen për ankesa  pushtetit vendor, dhe nga ana tjetër pushteti nuk i përgjigjet se i mungojnë instrumentat e bazuara në ligj''.