Rama ndal Baselin
Nga Express më 26 shtator 2011 në ora 08:53
Milaim Rama i ka dhuruar një pikë shumë të vlefshme skuadrës së tij Thunit, e cila barazoi 1:1 në shtëpi përballë kampionit aktual të Zvicrës, Basel.
Sulmuesi kosovar në minutën e 70’të është inkuadruar në lojë, derisa nëntë minuta pa përfunduar takimi ka realizuar golin e barazimit.
Titullar për Thunin ishte mbrojtësi shqiptar Muhamed Demiri, i cili në minutën e 80’të i liroi vendin Andreas Wittwer.
Ndërsa për Baselin në këtë takim titullar ishin tre futbollistët kosovarë; Xherdan Shaiqir dhe vëllezërit Granit e Taulant Xhaka. Madje ky i fundit asistoi te goli i Marco Strellerit. Me këtë barazim, Baseli ka 16 pikë, derisa Thuni gjashtë më pak.