Ramadani: S’ka koalicion me PDK

Sekretari i përgjithshëm i Aleancës për Ardhmërinë e Kosovës, Burim Ramdani, ka përjashtuar mundësinë e largimit nga partia në rast se AAK lidh koalicion në nivel qendror me PDK’në.

Ai i ka thënë portalit Indeksonline se nuk ka kërcënuar partinë me largim, në rast të një vendim për koalicion me PDK’në nga ana e kryesisë së partisë.

“Nuk kam bërë një kërcënim të tillë tek organet e partisë, nuk është e vërtetë”, ka thënë Ramadani.

Ai ka përsëritur edhe njëherë së AAK nuk ka ndryshuar qëndrim për këtë çështje. Sipas tij, nuk do të ketë koalicion ndërmjet PDK’së dhe AAK’së.