Ranieri s’ka faj
Presidenti i Interit, Massimo Moratti ka refuzuar të fajësojë Claudio Ranierin për serinë negative të ekipit.
Tani për tani nuk duket se ka fund për problemet e Nerazzurrëve pas humbjes nga Juventus 2-1 të shtunën. Inter ka fituar vetëm dy nga nëntë ndeshjet e deritashme në Serie A dhe aktualisht gjendet në pozitën e 17-të në tabelë. Por, Moratti refuzon të fajësojë Ranierin, i cili zëvendësoi Gian Piero Gasperinin.
“Problemi nuk është Ranieri. Ne duhet të kemi durim dhe të shkojmë ndeshje pas ndeshjeje”, tha Moratti për Sky Sport Italia.