Reforma, naftëtarët e Gorishtit në protestë
VLORE - Vendimi i qeverisë për kryerjen e reformës në kompanitë e naftës "Albpetrol" dhe "Armo" ka nxjerrë në protestë dje punonjësit
e ndërmarrjes së Gorishtit në Vlorë. Mësohet se pjesëmarrës në protestën e organizuar në Vllahinë nga sindikata e naftëtarëve kanë marrë pjesë 80 punonjësit e prekur nga reforma. Protestuesit kanë kërkuar që reforma të kryhet në bazën e kritereve të ligjshme dhe jo në bazë të përkatësive politike. Sipas tyre, pushimi nga puna i një numri të madh punonjësish ka ardhur jo si rrjedhojë e kritereve të vendosura, por e pozicionimeve politike të tyre. "Ne jemi dakord me reformën, por ajo që ne duam është që kjo reformë të jetë e drejtë. Nuk mund të hiqet nga puna një punonjës 30-vjeçar i kësaj ndërmarrje", deklaruan ata. Përgjatë protestës, punëtorët i kanë bërë thirrje qeverisë, Prokurorisë dhe organeve kompetente të mbikëqyrin procesin e zhvillimit të kësaj reforme që të gjitha etapat e saj të kryhen në bazë të ligjit. Ata kanë kërcënuar se nëse nuk merren masa do të bllokojnë rrugën për në ndërmarrje e nuk do të lejojnë më të hyjë askush në të. Ndërsa protesta e djeshme ka qenë paqësore, punëtorët e naftës kanë deklaruar se do të vijojnë me këtë protestë me qëllim që të respektohet ligji dhe reforma të jetë e drejtë në bazë të kritereve të vendosura. Reforma e ndërmarrë në kuadër të ristrukturimit dhe privatizimit të kompanive "Albpetrol" dhe "Armo" do të prekë 1700 punonjës, prej të cilëve 80 të ndërmarrjes së Gorishtit. q.b
e ndërmarrjes së Gorishtit në Vlorë. Mësohet se pjesëmarrës në protestën e organizuar në Vllahinë nga sindikata e naftëtarëve kanë marrë pjesë 80 punonjësit e prekur nga reforma. Protestuesit kanë kërkuar që reforma të kryhet në bazën e kritereve të ligjshme dhe jo në bazë të përkatësive politike. Sipas tyre, pushimi nga puna i një numri të madh punonjësish ka ardhur jo si rrjedhojë e kritereve të vendosura, por e pozicionimeve politike të tyre. "Ne jemi dakord me reformën, por ajo që ne duam është që kjo reformë të jetë e drejtë. Nuk mund të hiqet nga puna një punonjës 30-vjeçar i kësaj ndërmarrje", deklaruan ata. Përgjatë protestës, punëtorët i kanë bërë thirrje qeverisë, Prokurorisë dhe organeve kompetente të mbikëqyrin procesin e zhvillimit të kësaj reforme që të gjitha etapat e saj të kryhen në bazë të ligjit. Ata kanë kërcënuar se nëse nuk merren masa do të bllokojnë rrugën për në ndërmarrje e nuk do të lejojnë më të hyjë askush në të. Ndërsa protesta e djeshme ka qenë paqësore, punëtorët e naftës kanë deklaruar se do të vijojnë me këtë protestë me qëllim që të respektohet ligji dhe reforma të jetë e drejtë në bazë të kritereve të vendosura. Reforma e ndërmarrë në kuadër të ristrukturimit dhe privatizimit të kompanive "Albpetrol" dhe "Armo" do të prekë 1700 punonjës, prej të cilëve 80 të ndërmarrjes së Gorishtit. q.b