Reforma zgjedhore mes votimit me leter dhe elektronik
27/03/2012 Apeli: Palët të bashkëpunojnë për një kod zgjedhor afatgjatë
Ambasadorët: Reforma zgjedhore brenda afatit
Ambasadorët e akredituar në vendin tonë u kërkuan sërish dje politikanëve shqiptarë që të konkretizojnë ndryshimin e Kodit Zgjedhor. Në tryezën me temë “Teknologjitë e reja në zgjedhje” dhe “Administrimi i zgjedhjeve”, ambasadorët kërkuan që reforma të jetë gjithëpërfshirëse dhe të respektohen afatet e përfundimit të saj, si një nga pikat kyçe në kuadër të integrimit. Ambasadori i SHBA-ve Aleksandër Arvizu, duke përshëndetur ekspertët zgjedhorë të ODIHR-it dhe ata shqiptarë, theksoi se është e rëndësishme që palët të bëjnë kompromis, në mënyrë që Kodi Zgjedhor të jetë afatgjatë. “Kodi aktual është bazë e mirë, por ka disa boshllëqe, të cilat duhen plotësuar. Duhen respektuar afatet kohore, që gjërat të mos lihen për në çastin e fundit. Respektimi i afateve do të bëjë të mundur që të mos i lihen përgjegjësitë palës tjetër dhe të sabotohen zgjedhjet e 2013-s”, - ka theksuar Arvizu.
Ndërsa shefi i OSBE-së në Tiranë, Eugen Volfart, u shpreh se në kodin e ri duhet të pasqyrohen të gjitha propozimet e bëra nga OSBE–ODIHR-i për të mundësuar një reformë zgjedhore të standardeve më të mira. “Reforma zgjedhore është një proces kompleks. Është bërë progres, por ka ende punë për t’u bërë. Duhen bërë të gjitha përpjekjet që të shfrytëzohet si duhet afati tashmë i shtyrë, në mënyrë që ai të mos tejkalohet sërish. Duhet rezultat cilësor dhe besim mes palëve politike. Palët duhet të vlerësojnë të gjitha rekomandimet e OSBE-së. Reforma zgjedhore është një proces që i përket klasës politike shqiptare”, - u shpreh Volfart.
PS i vë kufijtë Greqisë, mbërrin drafti në Kuvend
Opozita i kërkon mazhorancës të rikthejë ligjin e vitit 2008
Ashtu siç kishin paralajmëruar, socialistët kanë dërguar në Kuvend draftin për përcaktimin e kufijve shqiptarë. Nisma ligjore përmban amendamente për ndryshimin e ligjit për kufijtë të hartuar dhe miratuar nga mazhoranca e djathtë më 2008-n. Propozimi i socialistëve ka në thelb përcaktimin e kufijve në bazë të marrëveshjeve ndërkombëtare dhe jo në bazë të bisedimeve bilaterale me çdo shtet kufitar. Në relacionin bashkëngjitur projektligjit të hartuar nga Ilir Gjoni socialistët theksojnë se përderisa “nuk kemi nënshkruar dhe për rrjedhojë nuk kemi ratifikuar marrëveshje me Greqinë dhe Malin e Zi, Republika e Shqipërisë nuk ka kufij detarë me këto dy vende”. Më tej në argumentimin e tyre ata shtojnë se pala greke gjithnjë ka refuzuar të nënshkruajë marrëveshje për kufijtë me Shqipërinë dhe “për sa kohë ende nuk kemi nënshkruar ndonjë marrëveshje dypalëshe për kufirin tokësor dhe duke iu referuar ligjit të 2008-s, ku në nenin 3 të tij kërkohet një traktat dypalësh apo shumëpalësh dhe jo protokoll, atëherë dhe Protokolli i Firences mbetet i pavlefshëm”, – sqaron opozita në draftin e saj. Në draftin e opozitës është përcaktuar qartësisht se cili është kufiri ujor shqiptar. Sipas tij, ujërat territoriale të Republikës së Shqipërisë shtrihen gjatë gjithë bregut të saj në një gjerësi prej 12 miljesh detare, duke dhënë dhe piketa konkrete si kalon ai. “Ujërat territoriale të Republikës së Shqipërisë shtrihen gjatë gjithë bregut të saj në një gjerësi prej 12 miljesh detare, duke filluar nga vija e drejtë bazë, që shkon nga kepi i Rodonit (Muzhit), pepi i Pallës, i Lagjit (Kalasë së Turrës) derdhja e Semanit, e Vjosës, bregu perëndimor i ishullit të Sazanit, Kepi i Gjuhëzës, dhe i gjirit të Gramës, e mandej midis bregdetit shqiptar dhe ishujve të Republikës Greke deri përmes kanalit të Korfuzit. Gjatësia e ujërave territoriale nga derdhja e Bunës në det deri te kepi i Rodonit shtrihet deri në vijë e kufirit shqiptaro-jugosllav (Mali i Zi)”, – theksojnë socialistët në projektligjin e tyre. Nga dita e djeshme drafti është dorëzuar në Kuvend dhe pret të nisë shqyrtimin në komisionet parlamentare. PS-ja bën me dije se do të shohë mundësi të tjera ligjore, nëse këto propozime nuk merren parasysh nga pala tjetër.
Marrëveshjet
Në draftin e PS-së për ndryshimin e nenit 3, thuhet që “Kufiri shtetëror i Republikës së Shqipërisë është i vendosur dhe rregullohet mbi bazën e marrëveshjeve ndërkombëtare të pranuara nga shteti shqiptar si dhe të traktateve dypalëshe ose shumëpalëshe të lidhura me shtetet e tjera dhe të ratifikuara nga Kuvendi.”
Ujërat shqiptarë
Ujërat tanë shtrihen nga vija që shkon nga kepi i Rodonit, i Pallës, i Lagjit, derdhja e Semanit, e Vjosës, bregu perëndimor i Sazanit, Kepi i Gjuhëzës dhe i gjirit të Gramës, e mandej midis bregdetit shqiptar dhe ishujve greke deri përmes kanalit të Korfuzit. Gjatësia e ujërave territoriale nga derdhja e Bunës në det deri te kepi i Rodonit
Kufijtë
Ujërat e brendshme territoriale të Shqipërisë janë ujërat e detit Adriatik dhe të detit Jon, që shtrihen brenda vijës së drejtë bazë, që përshkon derdhjen e lumit të Bunës, kepat e sipërmendur, që përshkon kepin e Gjirit të Gramës, e Gjirit të Palermos, e Qefalit, e Sarandës si dhe ujërat këtej vijës kufitare.
Ambasadorët: Reforma zgjedhore brenda afatit
Ambasadorët e akredituar në vendin tonë u kërkuan sërish dje politikanëve shqiptarë që të konkretizojnë ndryshimin e Kodit Zgjedhor. Në tryezën me temë “Teknologjitë e reja në zgjedhje” dhe “Administrimi i zgjedhjeve”, ambasadorët kërkuan që reforma të jetë gjithëpërfshirëse dhe të respektohen afatet e përfundimit të saj, si një nga pikat kyçe në kuadër të integrimit. Ambasadori i SHBA-ve Aleksandër Arvizu, duke përshëndetur ekspertët zgjedhorë të ODIHR-it dhe ata shqiptarë, theksoi se është e rëndësishme që palët të bëjnë kompromis, në mënyrë që Kodi Zgjedhor të jetë afatgjatë. “Kodi aktual është bazë e mirë, por ka disa boshllëqe, të cilat duhen plotësuar. Duhen respektuar afatet kohore, që gjërat të mos lihen për në çastin e fundit. Respektimi i afateve do të bëjë të mundur që të mos i lihen përgjegjësitë palës tjetër dhe të sabotohen zgjedhjet e 2013-s”, - ka theksuar Arvizu.
Ndërsa shefi i OSBE-së në Tiranë, Eugen Volfart, u shpreh se në kodin e ri duhet të pasqyrohen të gjitha propozimet e bëra nga OSBE–ODIHR-i për të mundësuar një reformë zgjedhore të standardeve më të mira. “Reforma zgjedhore është një proces kompleks. Është bërë progres, por ka ende punë për t’u bërë. Duhen bërë të gjitha përpjekjet që të shfrytëzohet si duhet afati tashmë i shtyrë, në mënyrë që ai të mos tejkalohet sërish. Duhet rezultat cilësor dhe besim mes palëve politike. Palët duhet të vlerësojnë të gjitha rekomandimet e OSBE-së. Reforma zgjedhore është një proces që i përket klasës politike shqiptare”, - u shpreh Volfart.
PS i vë kufijtë Greqisë, mbërrin drafti në Kuvend
Opozita i kërkon mazhorancës të rikthejë ligjin e vitit 2008
Ashtu siç kishin paralajmëruar, socialistët kanë dërguar në Kuvend draftin për përcaktimin e kufijve shqiptarë. Nisma ligjore përmban amendamente për ndryshimin e ligjit për kufijtë të hartuar dhe miratuar nga mazhoranca e djathtë më 2008-n. Propozimi i socialistëve ka në thelb përcaktimin e kufijve në bazë të marrëveshjeve ndërkombëtare dhe jo në bazë të bisedimeve bilaterale me çdo shtet kufitar. Në relacionin bashkëngjitur projektligjit të hartuar nga Ilir Gjoni socialistët theksojnë se përderisa “nuk kemi nënshkruar dhe për rrjedhojë nuk kemi ratifikuar marrëveshje me Greqinë dhe Malin e Zi, Republika e Shqipërisë nuk ka kufij detarë me këto dy vende”. Më tej në argumentimin e tyre ata shtojnë se pala greke gjithnjë ka refuzuar të nënshkruajë marrëveshje për kufijtë me Shqipërinë dhe “për sa kohë ende nuk kemi nënshkruar ndonjë marrëveshje dypalëshe për kufirin tokësor dhe duke iu referuar ligjit të 2008-s, ku në nenin 3 të tij kërkohet një traktat dypalësh apo shumëpalësh dhe jo protokoll, atëherë dhe Protokolli i Firences mbetet i pavlefshëm”, – sqaron opozita në draftin e saj. Në draftin e opozitës është përcaktuar qartësisht se cili është kufiri ujor shqiptar. Sipas tij, ujërat territoriale të Republikës së Shqipërisë shtrihen gjatë gjithë bregut të saj në një gjerësi prej 12 miljesh detare, duke dhënë dhe piketa konkrete si kalon ai. “Ujërat territoriale të Republikës së Shqipërisë shtrihen gjatë gjithë bregut të saj në një gjerësi prej 12 miljesh detare, duke filluar nga vija e drejtë bazë, që shkon nga kepi i Rodonit (Muzhit), pepi i Pallës, i Lagjit (Kalasë së Turrës) derdhja e Semanit, e Vjosës, bregu perëndimor i ishullit të Sazanit, Kepi i Gjuhëzës, dhe i gjirit të Gramës, e mandej midis bregdetit shqiptar dhe ishujve të Republikës Greke deri përmes kanalit të Korfuzit. Gjatësia e ujërave territoriale nga derdhja e Bunës në det deri te kepi i Rodonit shtrihet deri në vijë e kufirit shqiptaro-jugosllav (Mali i Zi)”, – theksojnë socialistët në projektligjin e tyre. Nga dita e djeshme drafti është dorëzuar në Kuvend dhe pret të nisë shqyrtimin në komisionet parlamentare. PS-ja bën me dije se do të shohë mundësi të tjera ligjore, nëse këto propozime nuk merren parasysh nga pala tjetër.
Marrëveshjet
Në draftin e PS-së për ndryshimin e nenit 3, thuhet që “Kufiri shtetëror i Republikës së Shqipërisë është i vendosur dhe rregullohet mbi bazën e marrëveshjeve ndërkombëtare të pranuara nga shteti shqiptar si dhe të traktateve dypalëshe ose shumëpalëshe të lidhura me shtetet e tjera dhe të ratifikuara nga Kuvendi.”
Ujërat shqiptarë
Ujërat tanë shtrihen nga vija që shkon nga kepi i Rodonit, i Pallës, i Lagjit, derdhja e Semanit, e Vjosës, bregu perëndimor i Sazanit, Kepi i Gjuhëzës dhe i gjirit të Gramës, e mandej midis bregdetit shqiptar dhe ishujve greke deri përmes kanalit të Korfuzit. Gjatësia e ujërave territoriale nga derdhja e Bunës në det deri te kepi i Rodonit
Kufijtë
Ujërat e brendshme territoriale të Shqipërisë janë ujërat e detit Adriatik dhe të detit Jon, që shtrihen brenda vijës së drejtë bazë, që përshkon derdhjen e lumit të Bunës, kepat e sipërmendur, që përshkon kepin e Gjirit të Gramës, e Gjirit të Palermos, e Qefalit, e Sarandës si dhe ujërat këtej vijës kufitare.