Regjistrohen vetëvrasjet e radhës

Policia lokale sqaroi se ngjarja ndodhi në lagjen “Shënkoll” të këtij qyteti, ku 35-vjeçari, Ermir Dyrmishi, është hedhur nga kati i katërt i pallatit ku jetonte, duke gjetur vdekjen e menjëhershme.

Policia e Elbasanit në përbërje me grupin hetimor,shkuan në vendin e ngjarjes, nga ku u konstatua se shtetasi Ermir Dyrmishi, vuante nga sëmundje mendore dhe se mjekohej vazhdimisht. Po punohet për zbardhjen e plotë të ngjarjes.

Ndërkohë, dje në Korçë në fshatin Moglicë është gjetur i varur nga familjaret shtetasi me iniciale R.C 16-vjeç. Nga këqyrja e kufomës së shtetasit R.C nuk janë vërejtur shenja dhunë në trup por motivi i këtij akti të kryer është gjendja depresive në të cilën ai ndodhej. /Start/  

                                                                                             2011-09-29 09:57