Rifillon puna në pikat kufitare me Greqinë

Nis sot puna në pikat kufitare me Greqinë. Doganierët grekë e kanë lënë grevën katërditore dhe kanë vijuar si normalisht punën e tyre në pikat doganore të Kakavijës dhe "Tri Urave" në orën 06:00 të mëngjesit.

Megjithëse mosplotësimin e kërkesave të tyre nga ana e qeverisë greke, punonjësit e doganave e ndërprenë bojkotimin e tyre. Nuk ka ende ndonjë të dhënë që të tregojë nëse do të ketë greva të tjera nga ana e doganierëve grekë.

Ndërkaq, sipas të dhënave të para të marra, bëhet e ditur se greva e doganierëve grekë për çdo ditë i ka shkaktuar palës shqiptare një humbje prej 20-25 milionë lekësh.Rifillimi normalisht i punës konfirmonet edhe në pikën doganore të Kapshticës. 20 maune që prisnin prej dy ditësh në kufirin grek kanë mundur të kalojnë sot në Shqipëri.