Rimerren nen kontroll hekurudhat pas tentativave serbe

Autoritetet ne Kosove njoftuan dje se kane marre nen kontroll te plote sistemin hekurudhor te vendit. Ky konstatim u be pasi UNMIK-u mori nen kontroll hekurudhat veriore te Kosoves, te cilat per dy dite u kontrolluan nga qeveria e Serbise dhe serbet lokale te veriut. Zyra e UNMIK-ut pohoi se "nuk po lejohet asnje nderhyrje e Serbise ne levizjet e tentuara pa kontroll te linjave hekurudhore me Kosoven". Ne kete pike, shefi i UNMIK-ut, Joakim Ryker, siguroi dje se "administrata nderkombetare, nese eshte e nevojshme edhe ndihma e forcave paqeruajtese, do ta mbroje rolin e vet ekzekutiv ne polici, dogana dhe ne sistemin gjyqesor". "Kjo u deshmua te marten, vijoi Ryker, kur ne ndaluam trenin e Serbise qe te futej ne territorin e Kosoves pa lejen tone, ndersa vendosem ne qarkullim trenin nga Fushe-Kosova per ne Zvecan". Ryker konfirmoi dhe se institucionet e Kosoves kane shtrire autoritetin e tyre ne tere territorin e vendit.
Keto dite, UNMIK-u evidentoi problemin se mallrat qe hyjne ne veri te Kosoves, nga Serbia, nuk kontrolloheshin. Ka spekulime se ne pikat kufitare, 1 dhe 31, ne veri te Kosoves, hyjne nga Serbia, kamione me mallra qe nuk jane kontrolluar as nga inspektoret sanitare dhe tashme po shiten neper dyqanet e Kosoves.