Rivleresimi i testeve, sot shpallen pergjigjet

Rezultatet e dyta per provimin e Letersise pritet qe te dalin gjate dites se sotme. Sipas drejtorit te Agjencise se Vleresimit te Arritjeve te Nxenesve (AVA), Alfons Harizaj, rezultatet e rivleresimit te testeve per dy provimet me detyrim te Matures, Letersi dhe Matematike, do te nxirren para se te publikohen notat e provimeve me zgjedhje. Fillimisht maturantet do te njihen me noten e provimit te Letersise, dhe pas pak ditesh me ate te Matematikes. "Ndersa notat e Letersise, per 400 maturantet qe kane kerkuar rivleresimin e provimit do te publikohen neser (sot), rivleresimi i provimeve te Matematikes, do te nise brenda pak ditesh, per te perfunduar ne javen qe hyjme", thote kreu i AVA-s. Pothuajse gjysma e maturanteve te pakenaqur me noten e Letersise jane mjaftuar vetem me rishikimin e testit te provimit. Ndersa pjesa tjeter, pas rishikimit se testit ka kerkuar qe provimi i tyre te rivleresohej. Menjehere pas perfundimit te ketij provimi, plot 900 maturante ne shkalle vendi depozituan ne shkollat perkatese kerkesen per rishikimin e testit te Letersise. Nderkohe qe rreth 500 maturante duket se jane bindur me vleresimin qe ne kete hap per provimin e tyre, per kete arsye ata kane vendosur qe te mos vijojne me tej. Deri tani, nuk dihet ende se sa eshte numri i maturanteve qe kane paraqitur kerkese per rishikimin e testit per provimin e Matematikes. Sipas Harizaj, kjo eshte nje procedure qe kerkon kohe, pasi testi cdo maturanti duhet te kerkohet ne arkivin e AVA-s.

Matematika

Aktualisht, drejtuesit e AVA-s po nxjerrin te dhenat per Matematiken per te vazhduar me pas me fotokopjimin e testeve te maturanteve. Per sa i perket kesaj procedure, drejtori i AVA-s sqaron se pasi te kemi perfunduar listen e ketyre nxenesve, do te nisim punen per te bere fotokopjimin e provimeve te tyre.