Rohan: Pese vendet e BE-se, duhet ta njohin Kosoven

Albert Rohan, ish-zevendes i te derguarit te OKB-se per Kosoven, Marti Ahtisari, ka kerkuar qe pese vendet e Bashkimit Evropian, qe nuk e kane njohur Kosoven, pas vendimit te Gjykates Nderkombetare te Drejtesise, do te duhej ta benin kete. "Pese vendet e BE-se, qe ende nuk e kane njohur Kosoven - Greqia, Rumania, Sllovakia, Spanja dhe Qiproja - duhet te futen ne nje linje me shumicen", ka shkruar ai ne nje koment te botuar te shtunen ne te perditshmen vjeneze "Die Presse". Me tutje ai ka theksuar se "eshte koha qe te lihen anash te gjitha paqartesite e mbetura sa i perket statusit te Kosoves ne komunitetin e vendeve dhe, rrjedhimisht, se paku te mundesohet stabiliteti i Ballkanit jugor". Albert Rohan konsideron se "qendrimi i perbashket perfundimisht do ta vendose BE-ne ne pozicion per te luajtur rolin qe duhet ta luaje ne rajonin e Ballkanit dhe ta beje me te lehte per lideret politike te Serbise qe ta pranojne realitetin e shtetesise se Kosoves". Sipas tij, derisa Kosova dhe Serbia, te mos i normalizojne marredheniet, asnjera pale nuk mund te shpresoje se do te anetaresohet ne BE, qe kerkon qe shtetet kandidate t'i lene anash te gjitha konfliktet para se te behen anetare. Pas vendimit te GJND-se per Kosoven, Z. Rohan ka bere thirrje qe "ta shfrytezojme kete mundesi per t'iu shmangur paraqitjes se nje konflikti tjeter te ngrire ne Ballkan".