Rojat bregdetare shpetojne varken me dy peshkatare qe po mbytej

VLORE- Roja bregdetare ne Bazen e Pashalimanit ka mundur te shpetoje nje mjet te vogel lundrues varke me lopata, me dy peshkatare, te cilet kishin dale per te peshkuar. Sipas burimeve nga kjo baze, sinjali per ndihme eshte marre ne oret e mengjesit. Dy peshkataret kane dale per te peshkuar, por era e fort qe ka nisur ne oret e mengjesit, ka bere qe ata te devijojne dhe te cajne ujerat detare vetem me anen e rremave. Me te marre sinjalin, i cili eshte dhene nepermjet telefonit nga ana e njerit prej peshkatareve, nje nga rojet bregdetare te vendosur ne Pashaliman, eshte nisur ne drejtimin qe kane dhene peshkataret. Operacioni i shpetimit eshte bere shume shpejt. Mjeti ka qene ne zonen e quajtur, Gjiri i Dukatit. Mesohet se dy peshkataret, te cilet ishin ne nje varke te vogel, rreth 3 metra te gjate, jane ne gjendje te mire shendetesore. Ererat e forta paraditen e djeshme, kane sjelle probleme edhe ne transportin e pasagjereve ne portin e Vlores. Nje prej trageteve qe pritej te merrte pasagjeret dhe automjetet per te udhetuar me pas drejt Brindisit, eshte detyruar te marre vetem gjysmen e ngarkeses, pasi e ka pasur te pamundur perpunimin normal per shkak te forces se eres. Prane kapitanerise se portit Vlore, mesohet se forca e eres ka arritur ne 16 meter ne sekonde, duke detyruar edhe disa anije te tjera t'i drejtohen Rades, per t'u mbrojtur ne brendesi te gjirit.

O. Hila