Rregulla të shkruara për regjistrimin në Hipotekë

Procedurat që ndiqen për regjistrimin në Hipotekë duhet të jenë të shkruara.

Ky ka qenë përfundimi i një workshop-i të organizuar nga IFC në bashkëpunim me Zyrën e Regjistrimit të Pasurive të Paluajtshme për përmirësimin e procedurave të regjistrimit të hipotekave dhe standardizimin e formave të përdorura në këtë proces. Pas diskutimeve të shumta, workshop-i mbështeti idenë e përgatitjes së procedurave të shkruara për regjistrimin e hipotekave, në mënyrë që të krijohen procedura të qarta për t’u ndjekur, që të mos jenë subjekt i interpretimeve nga punonjësit. Arthur Dimas, konsulent i IFC-së në diskutimin e tij “Përmirësimi i regjistrimit të procedurave të Hipotekës dhe standardizimi i formave në Shqipëri”, solli përvojën ndërkombëtare në këtë drejtim, duke referuar për përvoja konkrete dhe dha rekomandime për mënyrën, se si mund të përshtaten këto forma të përparuara në Shqipëri.