"Rregullorja", debati kalon ne Kuvend

Rozeta Rapushi
Zhvendoset ne Parlament debati per ndryshimin e rregullores se Kuvendit, per ndryshimin qe anetaret per gjykatat ne vend, te votohen me votim te hapur. Ne mbledhjen e katert, Keshilli per Rregulloren, Mandatet dhe imunitetet nuk mundi te dale serish me nje vendim, duke ja kaluar seances plenare debatin dhe votimin per te ndryshuar ose jo rregulloren e Kuvendit. Gjate mbledhjes se djeshme, deputetet u njohen me menyren e votimit te anetareve te gjykatave ne Shtetet e Bashkuara te Amerikes, qe eshte i hapur. Nderkohe qe pritet qe ne seancen e se enjtes, te jepen shembuj per votimin ne vende te ndryshem ne Evrope, si nje menyre per te bindur opoziten e cila ende nuk pranon ndryshimin e rregullores. Deputetet e mazhorances, thane se ky permiresim i Rregullores vjen si rezultat i nje procesi dinamik dhe nje eksperience parlamentare te ketyre viteve, si nje domosdoshmeri per te ndjekur plotesisht frymen e Kushtetutes dhe mbi te gjitha, per te rritur transparencen dhe nivelin e perfaqesimit cilesor ne sistemin e drejtesise. Nderkohe qe deputeti socialist, Damjan Gjiknuri tha se qendrimi i PS-se eshte qe rregullorja e Kuvendit, e miratuar me shumice votash ne menyre konsensuale, te mos ndryshohet. "Ne na duket nje thyerje e privatesise se votes per deputetin. Eshte nje lloj kontrolli politik qe synon mazhoranca te ushtroj mbi votat e saj, nga frika qe ka nga rrjedhja e votave", u shpreh Gjiknuri. Sipas tij, socialistet jane te mendimit se ky ndryshim, eshte nje cenim i sovranitetit te Kuvendit, per sa i perket shprehjes ne menyre te fshehte per kandidaturat e Presidentit. Ai shtoi gjithashtu se PS eshte kunder edhe zhvillimit te seancave te sterzgjatura qe mazhoranca propozon, per nje periudhe 8 javore te shqyrtimit te kandidateve per anetare te gjykatave. "Partia Socialiste eshte thellesisht kunder ketyre procedurave. Transparenca e procedurave per zgjedhjen e kandidaturave nuk ka te beje shume me aspektin e votes se fshehte ose votes se hapur, por ka te beje me menyren sesi zgjidhen keto kandidatura, kriteret ligjore dhe profesionale qe ato permbushin. Dhe pikerisht nepermjet kesaj vullneti i Kuvendit shprehet nepermjet votes", theksoi ai.
"Do te shihen pervojat, do te perafrohen me modelin shqiptar"
Nje prej anetareve te Keshillit per Rregulloren, Mandatet dhe imunitetet, Kastriot Islami, tha dje se nuk ka ende nje konsensus mes pozites dhe opozites per ndryshimin e rregullores se Kuvendit per menyren e votimit te anetareve te gjykatave. "Nismetaret mbeten te vendosur per votimin e hapur te dekreteve te Presidentit kur behet fjale per emerimin e anetareve te Gjykates Kushtetuese. Nga pala tjeter u dhane te gjitha elementet qe votimi duhet te behet sipas rregullores se miratuar me konsensusin e paleve ne momentin kur eshte hartuar", u shpreh Islami pas mbledhjes. Sipas tij, debati do te vazhdoje ne seancen e se enjtes ne Parlament kur do te kete mberritur dhe nje informacion per menyren si veprohet ne vendet e Evropes per te bere dhe perafrimin me modelin shqiptar. "Eshte kerkuar nje informacion me i imtesishem si aplikohet ne vendet e Evropes, ndersa ne SHBA votimi eshte i hapur. Me pas do te synohet te perafrohet modeli shqiptar, per te arritur ne argumente qe do perplasen ne seancen ne parlament", theksoi Islami.