Rrëshqitje e dheut tek 40-katëshi në Lakrishte
Nga Express më 23 shtator 2011 në ora 21:44
Banorët e lagjes Lakrishte janë alarmuar në mbrëmje nga sirenat e zjarrfikësve dhe policisë.
Tek vendi ku po ndërtohet 40 katëshi ka pasur rrëshqitje të dheut. Pompa e afërt e benzinës u rrezikua të shembej si pasojë.
Fillimisht, kishte frikë nga rrjedhja e benzinës, por kjo nuk ka ndodhur.
IndeksOnline raporton se zjarrfikësit kanë shkuar menjëherë në vendin e ngjarjes, bashkë me policinë. Edhe zyrtarë të Komunës së Prishtinës janë parë në vendin e ngjarjes, dhe nuk është raportuar për dëme apo rrezik.