Rriten depozitat BSH Shtohen edhe kredite e keqija
Shqiptarët kanë nisur t`i besojnë sërish bankave duke rikthyer depozitat në to. Viti 2010 shënoi një rritje prej 17.7 për qind të depozitave në 16 bankat që operojnë në Shqipëri. Raporti më i fundit i publikuar nga banka qendrore merr në analizë gjithë zhvillimet e vitit të shkuar, duke treguar se sistemi bankar ka njohur përmirësime por dhe përkeqësime të disa treguesve. Kështu, depozitat nga rritje vjetore prej 8 për qind në 2009, patën më shumë se dyfishim një vit më vonë.
Tjetër tregues i mirë për sistemin bankar është dhe ai i rritjes së portofolit të kredive me mbi 9 për qind si dhe ai aktiveve në sistem. Në Raportin Vjetor të Mbikëqyrjes thuhet se ky tregues u rrit me rreth 11.8 për qind, kundrejt rritjes prej 6.3 për qind të konstatuar vitin 2009. Përsa i përket zhvillimeve jo të mira, më problematiku për bankat është rritja e kredive të këqia. Gjatë 2010 treguesi “kredi me probleme bruto/portofoli i kredive bruto” arriti në afërsisht 14 për qind nga rreth 10 për qind që ishte në vitin 2009.
16 bankat që operojnë në Shqipëri kanë hapur 23 degë në zonat e ndryshme të vendit,por po gjatë kësaj periudhe është vendosur mbyllja e 22 degëve të tjera. Në total, në fund të vitit numri i përgjithshëm i degëve dhe agjencive të bankave të hapura brenda dhe jashtë territorit të Republikës së Shqipërisë arriti në 531 nga 530 që ishte në fundvitin 2009.
Florian Papadhimitri
Tjetër tregues i mirë për sistemin bankar është dhe ai i rritjes së portofolit të kredive me mbi 9 për qind si dhe ai aktiveve në sistem. Në Raportin Vjetor të Mbikëqyrjes thuhet se ky tregues u rrit me rreth 11.8 për qind, kundrejt rritjes prej 6.3 për qind të konstatuar vitin 2009. Përsa i përket zhvillimeve jo të mira, më problematiku për bankat është rritja e kredive të këqia. Gjatë 2010 treguesi “kredi me probleme bruto/portofoli i kredive bruto” arriti në afërsisht 14 për qind nga rreth 10 për qind që ishte në vitin 2009.
16 bankat që operojnë në Shqipëri kanë hapur 23 degë në zonat e ndryshme të vendit,por po gjatë kësaj periudhe është vendosur mbyllja e 22 degëve të tjera. Në total, në fund të vitit numri i përgjithshëm i degëve dhe agjencive të bankave të hapura brenda dhe jashtë territorit të Republikës së Shqipërisë arriti në 531 nga 530 që ishte në fundvitin 2009.
Florian Papadhimitri