Rrugoret ne “gjueti”, bllokojne 48 motore brenda nje jave

Shkoder- Policia e Shkodres hidhet ne “gjueti” te motoreve pa dokumentacion dhe qe jane kthyer ne makthin e kembesoreve dhe shkak i aksidenteve te shumta ne rruge. Ne bashkepunim me Policine Rrugore, brenda nje jave kontrollesh ne rruge nga patrullat dhe postblloqet, eshte bere bllokimi i 48 mjeteve, motore dhe motocikleta. “Si qellim kryesor eshte rregullimi i qarkullimit rrugor ne qytet, perballimi i fluksit te mjeteve gjate sezonit turistik, ndergjegjesimi i drejtuesve te mjeteve per zbatim te rregullave dhe pajisjen me dokumentacion”, deklaroi dje zedhenesja e policise vendore, Fatbardha Celepia. Si rezultat i kontrolleve te vazhdueshme dhe masave te marra nga sherbimet, gjate periudhes 5 korrik-12 korrik 2010, eshte bere i mundur bllokimi i 48 motocikletave, si dhe jane dhene 715 masa administrative, me vlere 485 mije leke. “Nga ana jone do vazhdoje intensivisht puna per kontrollin dhe disiplinimin e qarkullimit, per te shmangur aksidentet dhe sensibilizuar drejtuesit e mjeteve ne zbatimin e rregullave te qarkullimit rrugor”, njoftoi Policia e Shkodres.