Ruci: Ne dhjetor, debat per ndryshimet ne Kodin Zgjedhor

Pas ngritjes se komisionit hetimor per transparencen e zgjedhjeve, Partia Socialiste mund te pranoje dhe nisjen e punes per reformen e zgjedhore. Kryetari i Grupit Parlamentar te PS-se, Gramoz Ruci u shpreh dje se projektmarreveshjen e hartuar nga socialistet shprehet angazhimi i tyre per te marre pjese ne reformen zgjedhore duke i bere amendimet e rekomanduara ne raportin e OSBE-ODIHR-it. Ruci ka thene se marreveshja eshte e vonuar, por ne dhjetor bashke me rezultatet e nxjerra nga hetimi i zgjedhjeve mund te shkohet edhe ne permiresimin e Kodit Elektoral. "Do te vleresoja qe s'ka sepse te kemi te njejtin diskutim ne dhjetor, por perkundrazi ne dhjetor duhet te kemi nje debat parlamentar lidhur me permiresimet dhe ndryshimet ne kodin elektoral", u shpreh dje per mediat, Ruci. Ai theksoi se duke u bazuar ne materialet konkrete te materialeve zgjedhore "riparimet qe duhet te behen ne Kodin Elektoral, sigurisht qe do te jene konkrete". Ne kete menyre, sipas kryetarit te Grupit Parlamentar do te behet e mundur dhe zbatimi i rekomandimeve te OSBE/ODHIR-it ne lidhje me verejtjet qe jane hasur gjate zgjedhjeve te vitit te kaluar.