Ruli në panairin e agrobiznesit: Më shumë subvencione për fermerët

Pavarësisht thatësirës së tejzgjatur prodhimet bujqësore shqiptare kanë qenë të mbara. Këtë fakt e deklaroi Ministri i Bujqësisë, Genc Ruli, gjatë vizitës së kryer në panairin “Agrobiznes dhe Turizëm 2012”.
 

Kreu i bujqësisë ndër të tjera deklaroi se po mbështen fermerët me subvencione dhe vitin që vjen buxheti për bujqësinë do të jetë edhe më i madh.
Aldo Bumçi, Ministri i Kulturës Rinisë dhe Sporteve e përcaktoi si një risi të rëndësishme panairin.
 

Panairi “Agrobiznes dhe Turizëm 2012” do të qëndrojë i hapur deri në datën 23 shtator. Në stendat dhe pavionet e Panairit "AGROBIZNES E TURIZËM 2012", veç prodhimeve shqiptare, të gjithë vizitorët kanë mundësinë të njihen edhe me vendet më të bukura të natyrës shqiptare dhe rrugët se si mund të shkohet atje.