SHBA – Rubio: Irani e ka seriozisht marrëveshjen, ekonomia e tij është në gjunjë
UASHINGTON, 27 prill /ATSH-ANSA/ – Sekretari i Shtetit Marco Rubio pretendon se Irani është “serioz” në lidhje me marrëveshjen për të dalë nga “rrëmuja në të cilën ndodhet”.
Në një intervistë me Fox News, Sekretari i Shtetit shpjegoi gjithashtu se udhëheqja e regjimit “është në gjunjë” dhe po përpiqet të “blejë kohë”.
“Mendoj se ata janë seriozë, duke pasur parasysh të gjitha problemet që Irani kishte tashmë. Disa muaj më parë, ata u përballën me trazira, trazira ekonomike. Inflacioni është përkeqësuar. Ata ende po përballen me një thatësirë. Ata ende po përpiqen të paguajnë pagat”, shtoi ai.
”Ekonomia e tyre është në gjunjë dhe po përballen me sanksione shkatërruese nga e gjithë bota. Të gjitha këto probleme ekzistojnë dhe shumë prej tyre janë edhe më keq”, theksoi Rubio.
“Dhe tani ata kanë mbetur me gjysmën e raketave të tyre, pa fabrika, pa marinë dhe pa forcë ajrore. E gjithë kjo është shkatërruar. Pra, situata e tyre është më e keqe dhe ata janë më të dobët”, shtoi ai. /os/