SHBA, Dick Cheney shtrohet në spital

Ish zëvendëspresidenti amerikan Dick Cheney u shtrua ditën e hënë në spital pas dhimbjeve të forta në kraharor.
Lajmi njoftohet nga stafi i mjekëve personalë të Cheney-t, të cilët po merren me diagnostikimin dhe vlerësimin e gjendjes së ish zyrtarit të lartë të Shtëpisë së Bardhë.
69 vjeçari Cheney gjatë jetës se tij ka patur probleme me zemrën.
Si pasojë e 4 atakëve kardiakë nga viti 1978 deri në vitin 2000, ish zëvendëspresidenti iu nënshtrua një operacioni në vitin 2001, ku mjekët implantuan një mekanizem që monitoron dhe korrigjon rrahjet e zemrës.
Dick Cheney shërbeu nën administratën e presidentit të SHBA-së George W. Bush prej vitit 2001 deri në vitin 2009 dhe njihet si një ndër kritikët më të ashpër të administratës së presidentit aktual Barack Obama.