SHBA, Obama dhe Mccain fushatë në shtetet e pavendosura

Virxhinia, Misuri(start)- Kur kanë mbetur edhe pak ditë, nga zgjedhjet presidenciale në Shtetet e Bashkuara të Amerikës, dy kandidatët, demokrati Barack Obama, dhe republikani John Mccain, do të zhvillojnë fushatë në disa shtete, ku elektorati është ende i pavendosur. Obama do të bëjë fushatë në Nevadë, Kolorado dhe Misuri. McCain planifikon të mbajë fushatë në Virxhinia dhe Pensilvani.

Sondazhet më të fundit të paraqitura nga Reuters/Cspan/Zogby tregojnë se kandidati republikan John Mccain, ka ngushtuar dallimin në pesë për qind, nga 7 sa ishte të premten, gjithsesi Obama udhëheq sërish.